I midten av februar varsla Kiwi kundane sine om mogleg eggmangel. Høgres Lene Westgaard-Halle og Venstres Alfred Bjørlo peikar på at eggmangelen snart har vart i eitt år, og dei ber derfor Nortura importere egg.
Foto: André Lorentsen / NTB / NPK
Høgre og Venstre ber Nortura importerte egg til 17. mai
Som følgje av at det har vore mangel på egg sidan fjorårssommaren, ber Høgre og Venstre marknadsregulatoren Nortura om å importere egg til nasjonaldagen.
– Landbruksministeren lova oss at det ikkje ville mangle egg til påske, men han tok feil. Han har framleis ikkje løfta ein finger for å løyse utfordringa, og eggmangelen berre veks, seier Lene Westgaard-Halle (H) og Alfred Bjørlo (V) i ei pressemelding.
Dei to, som begge er landbrukspolitiske talspersonar i partia sine, omtaler eggmangelen som eit politisk konstruert problem.
