Helsedirektør Bjørn Guldvog ber sjukeheimar og andre institusjonar om å gjennomgå legemiddelbruken etter at ein feil er oppdaga.
Arkivfoto: Ali Zare / NTB / NPK
Alle helseinstitusjonar må sjekke medisinbruk etter feilmelding
Helsedirektoratet og Norsk helsenett jobbar med å finne årsaka til feilen. Det kan framleis vere feil i elektroniske reseptar som blir brukte når medisinar blir delte ut i sjukehus, sjukeheimar, helseinstitusjonar og heimetenester. Dette gjeld mellom anna medisinar mot beinskjørheit, overvekt, diabetes og revmatisme.
– Derfor ønskjer vi at sjukehus, sjukeheimar og kommunale helse- og omsorgstenester tek ein ekstra sjekk, seier helsedirektør Bjørn Guldvog.
Førebelse undersøkingar tyder på at medikament som skal takast ein gong per veke, ved ein feil kan vere oppførte med dagleg dosering, ifølgje direktoratet.
