No skal det bli enklare for næringslivet å selje brukt.
Foto: Heidi Molstad Andresen / NPK
Frå 1. juli blir det enklare for næringslivet å selje brukt
Brukthandellova har tidlegare gjort det tungvint for det norske næringslivet å selje brukt. I juli skal dette endrast.
– Eg er glad for at endringane trer i kraft allereie 1. juli. Brukthandellova har gjort det tungving og lite lønsamt for næringslivet å selje brukte varer, men desse endringane er bra for lommeboka og miljøet, seier næringsminister Cecilie Myrseth.
Det skriv regjeringa på nettsidene sine.
Fram til no har det vore krevjande å drive brukthandel, samanlikna med nye varer. Ein måtte til dømes ha løyve frå politiet for å selje all slags brukte varer, og måtte oppfylle tid- og kostnadskrevjande krav knytt til oppbevaring og protokollføring.
