Aldri før har forskarar observert så mykje plast i Norskerenna utanfor Skagerrak. Her ser vi plastsøppel som kronprins Haakon har plukka opp frå havbotnen etter eit dykk med WWF utanfor Sjøstrand i Asker i 2019.
Svært mykje plast i Norskerenna i Skagerrak
Aldri før har forskarar observert så mykje plast i Norskerenna utanfor Skagerrak.
Havforskar Pål Bühl-Mortensen leier Havforskingsinstituttets arbeid i kartleggingsprogrammet Mareano. Han har nyleg gått gjennom alle funn av plast og anna søppel i områda som er kartlagde.
– Det er stor variasjon i kor mykje plast vi finn på havbotnen. Det varierer frå haugar med plast på djupet i Norskerenna til ikkje ein plastbit i sikte der det er grunnare vatn utanfor renna, seier han i ei sak på nettsidene til Havforskingsinstituttet (HI).
