Blant dei som meiner det er greitt å kaste søppel langs vegen, svarer flest at det er ok å kaste matrestar og ispinnar ut av bilvindauget.
Illustrasjonsfoto: Hold Norge Rent
Éin av fire synest det er greitt å kaste søppel ut bilvindauget
Kvar fjerde nordmann meiner det er greitt å kaste søppel ut av bilvindauget. Det kjem fram i ei pressemelding frå Hold Norge Rent, der dei samanfattar resultata av si årlege Ipsos-undersøking.
Blant dei som meiner det er greitt å kaste søppel langs vegen, svarer flest at det er greitt å kaste matrestar og ispinnar ut av bilvindauget. Eit fåtal meiner at det også er greitt å kaste papirposar, snus og sneipar den same vegen.
– Ein skal ikkje kaste nokon ting ut bilglaset, sjølv ikkje matrestar. Det kan ta lang tid før maten blir broten ned i naturen, og restane trekkjer også til seg ville dyr som endar opp med å ferdast langs vegen, skriv dagleg leiar Lise Gulbransen i pressemeldinga.
