Oslo lufthamn blei kåra til Europas beste flyplass i kategorien 25–40 millionar passasjerar årleg.
Foto: Cornelius Poppe / NTB / NPK
Oslo lufthamn best i Europa
Oslo lufthamn er kåra til Europas beste flyplass i kategorien 25–40 millionar passasjerar årleg.
– Dette er ei stor ære og anerkjenning av arbeidet som blir lagt ned kvar einaste dag på Oslo lufthamn, seier Avinors konsernsjef Abraham Foss i ei pressemelding.
Onsdag var konsernsjefen på plass i Istanbul for å få prisen for beste flyplass i Europa, på vegner av Oslo lufthamn.
Det er Airports Council International Europe (ACI Europe) som står for prisen. ACI Europe er ein organisasjon som omfattar meir enn 500 europeiske lufthamner i 55 land. Prisen blir tildelt kvart år til dei flyplassane som har oppnådd best resultat innan ei rekke kriterium.
