Fiskebestanden langs kysten endrar seg i tråd med klimaendringane

Havforskarar har undersøkt korleis fiskesamfunn langs kysten blir endra med klimaendringar og høgare temperatur. Dei har mellom anna funne ut at fleire fiskeartar langs norskekysten har flytta seg lenger nord dei siste 30 åra.

– Før i tida baud ein vanleg trålfangst frå Nord-Noreg på omtrent 6–7 ulike fiskeslag. I dag er det fullt mogleg å få opptil 15 ulike fisk i trålen, seier forskar Ulf Lindstrøm ved Havforskingsinstituttet (HI) i ei pressemelding.

Målet til forskarane har vore å finne ut korleis fiskesamfunna langs kysten har endra seg over tid som følgje av varmare klima og hav.