Fleire søkjer seg til høgare utdanning innan landbruk

Interessa for landbruksfag i høgare utdanning aukar, og skogfaga er tydelege vinnarar.

I år har 546 personar søkt landbruksfag som førstevalet sitt, og det er ein auke på over fem prosent frå i fjor. Det er 28 fleire enn i 2023 og nærmar seg nivået frå 2019.

Ekstra mange ynskjer ei utdanning innan skogfag, og der er det dobbelt så mange søkjarar som planlagde studieplassar. I tillegg er det rekordår for søkjarar til landbruksfag i fagskuleutdanningar.