Tre absorberer også metan

Forskarar har funne ut at tre er ein viktig bidragsytar til å bli kvitt metan, klimagassen som bidreg mest til global oppvarming etter CO2.

Vi veit frå før at tre tar opp CO2, ein klimagass som får mykje merksemd når det er snakk om global oppvarming, skriv Forskning.no.

Men metan har òg stor påverknad på klimaet på kloden. Den er 28 gonger kraftigare enn CO2, og målingar viser at det blir stadig meir av denne klimagassen i atmosfæren.