Økonomar: Rentekutt kan bli utsett på grunn av offensivt statsbudsjett

Finansminister Trygve Slagsvold Vedum (Sp) bedyra fleire gonger måndag at forslaget til statsbudsjett var både trygt og ansvarleg.

Regjeringa legg opp til å bruke 461 milliardar kroner av avkastninga i oljefondet, noko som utgjer 2,5 prosent av avkastninga av fondet. Bruken av oljepengar kryp dermed opp mot 25 prosent av totalen i heile statsbudsjettet.

– Det er eit ansvarleg og trygt budsjett då vi ligg godt under handlingsregelen for oljepengebruken. Det vi er opptekne av å få prisveksten på veg ned. Vi held arbeidsløysa låg og aktiviteten er god. Og så er det eg som har ansvar for finanspolitikken og Noregs Bank som har ansvaret for pengepolitikken, sa Vedum til NTB måndag.