Nesten halve befolkninga ønskjer å bruke mindre pengar på jul.
Foto: Frederik Ringnes / NTB / NPK
Halve befolkninga skal stramme inn julebudsjettet
For somme er ikkje jula berre gåver og ribbe, men også sparetiltak og lån, viser ei ny forbrukarundersøking.
Julebudsjetta krympar, og mange nordmenn fryktar overforbruk i høgtida. Det viser ei undersøking utført av Respons Analyse for Sparebank 1 om juleforbruket til nordmenn.
I undersøkinga oppgir 22 prosent at dei fryktar ein økonomisk baksmell i januar på grunn av for høgt juleforbruk. 7 prosent svarer at dei må eller kanskje må låne pengar for å dekkje utgiftene til jul.
Det bekymrar forbrukarøkonom i Sparebank 1 Magne Gundersen, som oppmodar til å heller kutte i juleforbruket enn å bruke over evne i jula.
