Regjeringa tek grep etter bekymrande tal – vil ha ny meldeordning i helsetenesta

Sidan 2019 har nesten 1000 personar døydd på grunn av kommunikasjonssvikt i helsetenesta. No vil helseministeren ha ei ny meldeordning for alvorlege hendingar.

– Vi må gjere det vi kan for at pasientskadar ikkje skjer, seier helse- og omsorgsminister Jan Christian Vestre (Ap) i ei pressemelding.

Forslaget inneber at Statens undersøkingskommisjon for helse- og omsorgstenesta (Ukom) blir slått saman med Statens helsetilsyn, og at dagens to varselordningar for alvorlege hendingar blir redusert til éin. Det er også foreslått å få til ei nasjonal oversikt.