SSB: 4 av 10 innvandrarar klarer ikkje store, uventa utgifter
41 prosent av innvandrarar slit med å betale ei stor uventa utgift, mot 25 prosent i annan befolkning. Dei med kort butid og flyktningar er dårlegast stilt.
10 prosent av innvandrarar og 5 prosent av annan befolkning har hatt alvorlege økonomiske problem dei siste tolv månadene.
57 prosent av innvandrarar er heilt eller delvis samd i påstanden jeg savner en del materielle goder for å kunne leve slik jeg ønsker». I annan befolkning er andelen 34 prosent.
Annonse
Det viser ein analyse frå Statistisk sentralbyrå (SSB)
, med tal frå livskvalitetsundersøkinga, gjort på oppdrag for Arbeids- og inkluderingsdepartementet.
Har vorte litt betre
Medverkande årsaker til sårbar økonomi slår ofte dårleg ut for innvandrarar: Færre har jobb, dei har lågare lønn, dei bur trongare og eig sjeldnare bustad samanlikna med annan befolkning.
Dei siste åra har innvandrarar i Noreg opplevd ein relativt sterkt inntektsvekst. Det har redusert noko av ulikskapen i inntektsnivå mellom dei med og utan innvandrarbakgrunn. Likevel er det nokon store forskjellar, som gjer innvandrarar meir sårbare økonomisk.
Annonse
Medan folk i ei viss grad kan føresjå større utgifter, som å erstatte utslitne møblar eller ta seg ferie, er det vanskeleg å planleggje for plutselege og uventa utgifter.
Mykje mindre fornøgd
44 prosent av innvandrarar er mindre fornøgd med sin økonomiske situasjon, mot 32 prosent i resten av befolkninga. I den andre enden av skalaen er berre 15 prosent av innvandrarar godt fornøgd med eigen økonomi. For resten av befolkninga er 25 prosent godt fornøgd.
Innvandrarar skårar systematisk dårlegare enn annan befolkning på økonomisk situasjon i eit levekårsperspektiv. Fleire har oftare alvorlege økonomiske problem og ikkje råd til sosiale og materielle gode, samanlikna med annan befolkning. Innvandrarar som har komme til Noreg som flyktningar, er dårlegare økonomisk stilte enn andre innvandrarar, og kort butid slår også negativt ut.
(NPK)
