Straumprisen for folk flest har gått mykje ned sidan 2022

Det var prisområdet for Sørlandet, NO2, som hadde den høgaste straumprisen i fjor, ifølgje Noregs vassdrags- og energidirektorat
(NVE).

I 2024 var den gjennomsnittlege straumprisen for eit vanleg hushald på 64,76 øre/KWH i dei tre prisområda i Sør-Noreg. For dei to nordlegaste områda var gjennomsnittsprisen 35,97 øre/KWH, viser berekningar frå NVE.

– Når vi tek omsyn til straumstøtta, er straumutgiftene for hushald i Sør-Noreg nesten tilbake til nivået før perioden med svært høge gassprisar, seier direktør Kjetil Lund.