Vedum fredar bubilturistane – lovar at dei skal sleppe turistskatt
Cruise- og campingturistar slepp den foreslåtte turistskatten. Finansministeren forstår kritikken når det gjeld cruise, men fredar campingturistane.
– At vi skal innføre eit eige besøksbidrag for folk som har ei campingvogn, det skjer ikkje. For eg er glad for at folk har campingvogn, eg er glad i camping sjølv, seier finansminister Trygve Slagsvold Vedum (Sp), som sjølv var på campingferie i Danmark og Sverige i fjor sommar.
Onsdag vart finansministeren grilla i Stortinget av Tina Bru i Høgre for forslaget regjeringa har komme med, som opnar for at kommunane kan krevje inn turistskatt på overnatting.
Den nye skatten er no ute på høyring. Mellom anna har det komme kritikk for at cruise- og campingturistar slepp unna.
