Ein av åtte fell frå i første studieår

Tolv prosent av førsteårsstudentane droppa ut av utdanninga i første studieår. Dei fleste returnerte til studia eller arbeid og dei færraste enda opp utanfor arbeidslivet eller høgare utdanning året etter fråfallet.

Det skriv Statistisk sentralbyrå (SSB).

Dei 3.500 studentane med fråfall blir kjenneteikna ved at det oftare gjeld mannlege studentar, personar frå lågare sosiale bakgrunnar, innvandrarar, personar med lågare karakterar frå både grunnskulen og vidaregåande, og dessutan studentar med barn. Det var mest fråfall blant nye studentar på 3-årige bachelorutdanningar, og innanfor fagfeltet humanistiske og estetiske fag.

(NPK)