Strammare arbeidsmarknad: Færre stillingar, fleire søkjarar

Det viser nye tal frå FINN.no, som rapporterer om ein nedgang på 8 prosent i talet på publiserte stillingar samanlikna med januar i fjor, medan interessa for jobbannonsane har auka.

Trass i den generelle nedgangen, er det enkelte bransjar som opplever auka etterspurnad etter arbeidskraft. Reiseliv, renovasjon og matvareproduksjon viser teikn til optimisme og auka aktivitet etter nyttår. Helsesektoren har framleis størst behov for arbeidskraft, med skule og undervisning på andreplass.

Medan teknologi- og finansbransjen har hatt ein svakare start på året med færre utlyste stillingar, veks jobbmarknaden i distrikta. Spesielt i Nord-Noreg og på Nordvestlandet ser ein solid vekst i årets første månad.

(NPK)