Thingnes Bø er inne i sin siste sesong som skiskyttar. I Sveits ser han ut til å få ein draumeavskjed med idretten.
Med sigeren på sprinten laurdag er han den beste gullmedaljevinnaren i historia i VM-historia. I fjor tangerte han Ole Einar Bjørndalens 20 gull, laurdag gjekk han forbi, og endå står att det mange konkurransar i Lenzerheide.
– Det er eit meisterstykke, sa kommentator Marius Skjelbæk på TV 2s sending.
I individuelle konkurransar har Thingnes Bø, Bjørndalen og Martin Fourcade flest VM-gull med elleve.
Resten av dei norske greidde ikkje ta seg opp på pallen, men fleire har medaljehåp på jaktstarten søndag. Vebjørn Sørum enda på fjerdeplass, åtte sekund bak bronsen. Martin Uldal vart nummer seks, medan Endre Strømsheim følgde på plassen bak.
Sturla Holm Lægreid enda på niandeplass. Tarjei Bø, som til liks med veslebror Johannes legg opp etter sesongen, vart nummer ti.
Amerikanske Campbell Wright overraska med sølv, medan franske Quentin Fillon Maillet tok bronsen.
– Det er heilt sjukt, sa TV 2-ekspert Bjørndalen om Wrights prestasjon.
Søndag er det jaktstart for begge kjønn. På kvinnesida stiller Noreg utan særleg store medaljesjansar etter ein svak sprint. Maren Kirkeeide var best på 16.-plass, 57 sekund bak vinnar Justine Braisaz-Bouchet.
(©NPK)