Minimumsnorma går ut på at kvar elev skal ha 50 kvadratmeter kvar, opplyser Noregs miljø- og biovitskaplege universitet (NMBU). Rapporten viser at 39 prosent av grunnskulane har for liten skulegard.
– Uteområda har mykje å seie for barns utvikling, helse og trivsel, seier Emma Charlott A. Nordbø frå NMBU i ei pressemelding.
Ho er ein av forskarane bak rapporten, som er laga av Norsk institutt for naturforsking (NINA), Noregs idrettshøgskole (NIH) og NMBU på oppdrag frå Helsedirektoratet.
Funna viser at skulane i gjennomsnitt har 67 kvadratmeter per elev, men det er forskjellar mellom skulane, og mange har svært små uteområde.
Det er særleg i byane at uteområda er små.
– Berre 13 prosent av grunnskulane i urbane strøk har stort nok uteområde. Det vil seie at over 350.000 norske elevar kvar dag har for lite plass i friminutta, seier forskar og prosjektleiar Zander Venter i NINA.
Rapporten har vorte laga på bakgrunn av ei omfattande kartlegging av 372 representative grunnskular over heile landet.
(©NPK)