Undersøking: No vil vi sjå tv på tv-skjerm igjen
Norske forbrukarar ser meir tv og strøymeinnhald enn før. 91 prosent ser det på eit tv-apparat, som er 10 prosentpoeng fleire enn i 2023.
Det viser ei landsrepresentativ undersøking blant 1051 personar over 15 år, gjennomført av Norstat for Stiftelsen Elektronikkbransjen.
I januar oppgav dei spurde at dei såg lineær tv eller strøymeinnhald på i snitt 1,8 ulike plattformer. 31 prosent ser tv og strøymeinnhald på mobil eller PC, 24 prosent brukar nettbrett, men aller flest, 91 prosent, bruker tv.
Annonse
– Vi er tilbake til at ein ser tv på tv, seier administrerande direktør Jan Røsholm i Stiftelsen Elektronikkbransjen til NTB.
Undersøkinga på tv-sjåing blir gjennomført kvart år. I 2024 var første gong Norstat måtte leggje til ein ny kategori: Dei som ikkje ser tv eller strøymer innhald på skjerm i det heile. Dei utgjer 2 prosent.
I fjor auka omsetninga for tv-apparat i Noreg med 5,5 prosent og skjermane blir stadig større. Røsholm trur det kan vere at fleire har fått nok av å sjå tv-innhald på små skjermar:
– Det er klart du får ei heilt anna tv-oppleving på ein 65-tommars tv enn du får på ein liten mobiltelefon.
Annonse
