Snart kan tørrfisk, slik som denne frå Røst i Lofoten, enda opp i smågodtet ditt.
Foto: Berit Roald / NTB / NPK
Restar av tørrfisk kan verta godteri
Restar av tørrfisk kan nyttast til å produsera kollagen og gelatin, to særs ettertrakta ingrediensar.
Sintef er i ferd med å utvikla metodar for å utvinna kollagen og gelatin frå fiskeskinn frå tørrfisk. Det melder Gemini.no.
Tørrfisk har vore produsert i Noreg i uminnelege tider, og er sagt å vera den første eksportvara frå landet. Klippfisk, som i tillegg til å vera tørka også er salta, har vore produsert sidan 1600-talet. Produksjonen skapar mange restråstoff, og gjennom prosjektet VOLUM søkjer Sintef å finna kva desse råstoffa kan nyttast til.
