Sju av ti seier dei har opplevd farlege situasjonar på grunn av dårleg veg

70 prosent av norske bilistar oppgir i ei undersøking av dei har opplevd farlege situasjonar på grunn av dårlege vegar.

Dette kjem fram i ei undersøking InFact har gjort for KNA, Kongeleg Norsk Automobilklubb. Meir enn kvar fjerde bilist seier at dei ofte opplever trafikkfarlege situasjonar på grunn av vegkvaliteten.

– Dette stadfestar det vi alt veit, nemleg at dårlege vegar bidreg til farlege trafikksituasjonar og ulykker, som kvart år kostar liv, seier samfunnskontakt i KNA, Tor Valdvik i ei pressemelding.