No blir det vaksinasjonsprogram for vaksne
Stortinget har vedteke å etablere eit vaksenvaksinasjonsprogram for vaksne som skal starte i haust. Dette kom inn i forskrift om nasjonalt vaksinasjonsprogram 1. juni i år.
Programmet skal sørgje for tilbod om vaksinasjon mot fleire sjukdommar til eldre og barn og vaksne som kan bli alvorleg sjuke av desse sjukdommane. Kommunane har fått ansvaret for å tilby vaksinar til befolkninga, skriv Folkehelseinstituttet (FHI).
Vaksenvaksinasjonsprogrammet inkluderer tilbod om vaksine mot influensa og korona til personar over 65 år og yngre med kronisk sjukdom. I tillegg skal alle 65 åringar få tilbod om pneumokokkvaksine, som mellom anna vernar mot alvorleg lungebetennelse og blodforgifting.
Annonse
– Målet med vaksenvaksinasjonsprogrammet er å førebyggje alvorleg sjukdom, sjukefråvær og dødsfall, seier Kjersti Rydland, leiar av vaksenvaksinasjonsprogrammet ved FHI.
(NPK)
