Til saman hundre gauper er registrerte drepne eller omkomne i jaktåret 2024/2025, ifølgje Statistisk sentralbyrå (SSB). Det er det største talet på 14 år.
Til saman 78 gauper vart skotne under kvotejakta i vinter. Fellingskvoten var på 83 dyr.
Også avgangen av jerv og bjørn var større i jaktåret 2024/2025 enn i førre jaktår. For ulv var det ein nedgang.
Totalt vart 14 ulvar registrerte skotne eller omkomne av andre årsaker i jaktåret. Fem ulvar av ein kvote på 43 vart skoten under lisensjakta i vinter. Dette er ein nedgang frå året før, då 18 ulvar vart skotne under lisensjakta.
Åtte ulvar vart skotne under skadefelling, medan éin ulv vart påkøyrd.
I alt 128 jervar vart skotne eller omkom av andre årsaker. 78 av dei vart felte under lisensjakta, medan 39 vart felte under skadefelling.
(©NPK)