Saktekøyring på norske vegar: Politiet gir turistar rettleiing
Utanlandske turistar som køyrer sakte og usikkert på norske vegar fører til daglege utrykkingar for politiet i vest.
Vest politidistrikt rykkjer dagleg ut til meldingar om turistar som køyrer sakte eller mistenkjeleg på smale vegar, skriv Firda.
Ofte handlar det om utanlandske sjåførar som ikkje er vande med norske fjellvegar, og som køyrer langt under fartsgrensa eller bremsar hardt i svingar.
Annonse
– Når promille ikkje er årsaka, gir me ei munnleg åtvaring og forklarer viktigheita av å halde fartsgrensa og rett side, seier Tatjana Knappen ved Politiets operasjonssentral til Firda.
Politiet opplever at saktekøyring kan skape frustrasjon og farlege situasjonar i trafikken, men minner om at turistar som køyrer forsiktig oftast ikkje får meir enn ei formaning.
(NPK)
