Stormen Floris førte til nedbørsrekordar i Vestland

Knapt ei veke inn i august er det sett ei rekke nye nedbørsrekordar for denne månaden i Vestland. Årsaka er restane av stormen Floris som feia innover landet.

– Fleire av målestasjonane i Vestland fylke målte det meste dei nokon gong har gjort i august månad, skriv meteorologane
på X.

Ved åtte målestasjonar er det sett ny rekord, mellom anna i Øvstedal med 106,5 millimeter, i Sygna med 78,4 millimeter regn, og i Ullensvang med 70,7 millimeter.