Etter sju år blir det lettare å ferdast langs norskekysten for utanlandske skip

Omlegginga har teke sju år og inneber at alle fyrlykter no følgjer IALA-standarden, som er ein internasjonal standard for sjømerking.

For sjøfarande betyr omlegginga at fyrlyktene langs heile kysten no er i samsvar med internasjonale standardar. Utanlandske skip som seglar langs norskekysten, møter no det same fargesystemet som i resten av Europa, noko som reduserer risikoen for feilnavigering.

– Når du navigerer langs ein kompleks og vêrutsett kyst som den norske, kan fargar og lyskarakter på fyrlyktene vera skilnaden på trygg og utrygg segling, seier Tatjana Eriksen, som leier planleggingsseksjonen i Kystverket, i ei pressemelding.