Høyringssak om tannhelsetilbodet

Vestland fylkeskommune har sendt på høyring eit forslag om å endra strukturen og organiseringa av den offentlege tannhelsetenesta. Planen legg opp til større fagmiljø, meir effektiv ressursbruk og færre, men større tannklinikkar. Endringane kan få direkte betydning for Etne, sidan tannklinikken i kommunen er ein del av høyringsforslaget og kan bli avvikla eller flytta til annan kommune.

Står sentralt

Tannklinikken i Etne ligg rett ved Enge skule, er nyleg oppgradert og lett tilgjengeleg for elevar og familiar. Barn kan gå til tannlegetimar til fots, noko som gir lite fråvær frå undervisninga og mindre praktiske utfordringar for føresette. Klinikken er ein del av ein samla helse- og oppvekststruktur i sentrum av Etne.