Royal Mail har valt den norske produsenten Paxster som leverandør av 84 av 100 nye micro electric vehicles (MEVs) som no blir tekne i bruk i Storbritannia.
Foto: James Linsell Clark / SWNS / Paxster AS / Handout / NTB / NPK
Royal Mail vel norsk køyretøyprodusent i grøn storsatsing
Den britiske postgiganten Royal Mail har valt den norske køyretøyprodusenten Paxster når dei no skal erstatta større varebilar med små elkøyretøy.
Paxster skal levera 84 av dei 100 nye micro electric vehicles (MEVs) i Storbritannia, skriv det norske selskapet i ei pressemelding.
– Mange selskap innan post- og pakkedistribusjon står overfor dei same utfordringane som Royal Mail: Dei skal levera raskare og grønare i byar som blir stadig trongare og som stiller strengare utsleppskrav. Jobben vår er å gjera det mogleg på ein måte som både er lønnsam og berekraftig, seier administrerande direktør Aleksander Säfvenbom i Paxster AS.
