Overgangen til elbilar og elektrifisering av sokkelen blir trekt fram som sentrale årsaker til at energibruken i Noreg går nedover, ifølgje ny rapport frå NVE.
Foto: Gorm Kallestad / NTB/ NPK
NVE: Energibruken går ned i Noreg
Overgang til elbilar og elektrifisering av sokkelen har bidrege til at energibruken i Noreg går ned, ifølgje ny rapport frå NVE.
– Samla energibruk går ned fordi elbilar er meir energieffektive enn fossile bilar, og fordi kraft frå land erstattar ineffektive gassturbinar på sokkelen, seier seksjonssjef Maren A. Esmark i Noregs vassdrags- og energidirektorat (NVE) i ei pressemelding.
Mellom 2015 og 2023 har energiintensiteten i Fastlands-Noreg falle med 12,3 prosent, ifølgje Energibruksrapporten 2024. Energiintensitet er eit mål på kor effektivt energi blir utnytta i forhold til verdiskapinga i økonomien.
– Det betyr at vi bruker mindre energi per produsert eining, seier Esmark.
