Mjølkesal i kategoriar aukar i tredje kvartal.
Illustrasjonsfoto: Rodrigo Freitas / NTB / NPK
Mjølkesalet aukar
Sal av mjølk auka i tredje kvartal, og alle meierikategoriar gjekk opp samanlikna med same kvartal i fjor.
Tal frå Opplysningskontoret for mjølk og meieriprodukt (Melk) viser at meierisalet held seg stabilt høgt, og at utviklinga no peiker oppover i alle hovudkategoriar, skriv Melk i ei pressemelding.
Vi konkurrerer med mange typar drikke, men mjølk har ein eigen posisjon. Mjølk høyrer heime på kjøkkenet, til frukost, i matlaging, og for mange òg som drikke i kvardagen, seier Ida Berg Hauge, direktør i Melk.
Mjølkesalet auka med 1,5 prosent i tredje kvartal. Heilmjølk vaks med 2,2 prosent, økologisk mjølk med 16,8 prosent og laktosejustert mjølk med 4,6 prosent.
