Straumen litt dyrare i 3. kvartal

Straumprisen for hushald var i gjennomsnitt 4,8 prosent høgare i tredje kvartal enn kvartalet før. Samanlikna med dei siste fem åra er oppgangen høgare.

Straumprisar for hushald vart på 139,3 øre per kilowatt time (kWh) i tredje kvartal i år, det skriv Statistisk sentralbyrå (SSB) i ei pressemelding.
Det er rekna med avgifter og nettleige og utan at straumstøtta blir trekt frå.

Sjølve straumprisen utgjorde 56,9 øre/kWh, nettleige utgjorde 40,1 øre/kWh og avgifter utgjorde 42,3 øre/kWh. Med straumstøtta trekt frå enda den gjennomsnittlege straumprisen for hushald på 132,3 øre/kWh i tredje kvartal.