Leiteaksjon enda godt

Meldinga om at mannen var sakna kom sundag føremiddag. Han hadde då ringt ein kamerat og fortalt at han hadde gått seg vill i fjellet.
— Han kom ned til vegen sjølv, og han fortalde at han hadde overnatta på Turistforeininga si hytte ved Simlebu. Han var i fin form, opplyser Jarle Grindheim ved Etne lensmannskontor.
Det blei sett i verk leiting etter mannen sundag ettermiddag med eit Sea King-helikopter. Det blei leita utover kvelden med negativt resultat. Måndag blei leitinga tatt opp igjen, og ein politihund blei sett inn i søket. Kring klokka femten kom mannen ned til vegen ved Rullestadjuvet etter å ha tatt seg ned frå fjellet på eiga hand. Då var to redningshundar frå Norske Redningshunder og ti mann frå Røde Kors på veg inn i området for å ta del i leitinga.