Kva er din framtidsdraum?
– Min framtidsdraum er å jobba som helsefagarbeidar eller sjukepleiar på ein omsorgsheim. Eg trur ikkje eg blir buande i Skånevik når eg blir vaksen. Hadde vore kjekt å prøvd å bu ein annan stad også.
Anita Vaka Åsheim
– Min framtidsdraum er å få ei utdanning innan tropiske dyr. Har lyst til å jobba i Karibien, Puerto Rico eller i ein dyrehage ein stad. Eg vil gjerne gjera ein forskjell for dyreartar som er utryddingstrua. Eksempelvis tigrar.
Thalia Sandanger
– Draumen er å få ein jobb eg trivest i. Ein jobb som handlar om menneske. Så drøymer eg om å reisa og oppleva ting. Har alltid hatt lyst til å reisa til Liverpool.
Sina Marie Hjelmervik Eljarvik
– Draumen min er å jobba som entreprenør eller maskinførar, og til hausten kjem eg til å velja TIP eller byggfag på vgs. Eg har ingen planar om å flytta frå Skånevik, og ser ikkje bort frå at eg bur her også når eg blir vaksen.
Robert Røgelstad
– Eg har lyst til å bli røyrleggar, og jobba med anleggsmaskin. Kan godt hende eg blir buane i Skånevik når eg blir vaksen. Til hausten kjem eg til å gå på byggfag i Ølen og året etter kan det hende eg flyttar til Os på skule.
Martin Larsen Sævareid
– Eg drøymer om å utdanna meg til kulde- og ventilasjonsmontør. For å bli det må eg gå elektro, og det vil eg gjer enten i Ølen eller i Kvinnherad. Så har eg lyst til å ta lastebil-lappen i tillegg.
Espen Molnes Lauareid