Kva gjer du til hausten?
– Til hausten går eg elektrolinja i Ølen håpar eg. Eg er litt lei realfag, men interesserer meg meir for elektrofag.
Ole Johan Espeland
– Eg er ikkje heilt sikker, men kan hende eg kjem til å velja studiespesialisering i Ølen. Eg vil i alle fall ha generell studiekompetanse.
Louise Hognaland
– Eg har lyst til å gå på helse- og oppvekst i Ølen fordi eg vil bli jordmor. Då blir det påbygg, sjukepleiestudie før jordmorstudiet. Om eg skal bli lærling først, veit eg ikkje.
Martine Rugtveit Bjørnevik
– Eg vil gå på Vardafjell der dei har både matematikk 1 og 2, i tillegg til fysikk 1, og realfag IT. Eg vil dataingeniør, og på Vardafjell har dei mange moglegheiter.
Erik Hjelm Fjeldheim
– Eg vil søkja meg inn på service- og samferdsel på Haugaland vgs. Eg har lyst til å bli vektar, og då må eg gå Sal- og service andreåret og sikkerheitslinja tredje året.
Cassandra Erdal Hoel
– Eg kjem til å gå på idrettsfag i Ølen neste haust. Grunnen til at eg har lyst til det, er at eg likar å halda meg i aktivitet i tillegg til at eg vil ha studiekompetanse. Då er denne linja passande for meg.
Emil Haugen