Har du opplevd at dei vaksne lagar litt rare reglar av og til?
– Ja! At me har lov til å eta middag med lua på av og til. Så må alltid ungane svare på det dei vaksne spør om, men dei vaksne svarar ikkje alltid når ungane spør om ting.
Ellen Malene Brekke
– Dei vaksne snakkar så rart av og til. Nesten som at dei snakkar eit anna språk. Så har vaksne ein regel om at det ikkje er lov med snop før middag.
Ellef Nikolay Veland
– Dei vaksne lagar alltid reglar om at me må skunda oss når me skal ut av huset. Om me ikkje følgjer desse reglane blir me for seine til skulen.
Sina Lunde
– Dei vaksne har ofte reglar om at me ikkje får lov til å eta is og godteri kvar dag. Berre på laurdagar, og fredagar, og av og til på torsdagar.
Runa Holtmo Dahlen
– At eg berre får brus og smågodt på laurdag, og av og til på fredag. Så får eg ikkje lov til å ha ha iPad-en med på skulen. Men av og til får eg spela eitt minutt lengre, om eg seier «pleeeeease».
Aksel Vannes Berge
– Det er ein regel om at eg må leggja meg om kvelden, sjølv om eg ikkje er trøytt. Så må eg også stå opp om morgonen, sjølv om eg vil sova lenger. Så får eg berre godteri på laurdagen.
Trym Steinsland