Etne og Vindafjord lensmannskontor opplev ei auking i saker kor privatpersonar filmar uvøren køyring langs vegane med såkalla dashbordkamera, og kontaktar politiet på bakgrunn av det dei har sikra opptak av.
Seinast rundt midnatt natt til onsdag stoppa politiet ein sjåfør i Ølen, etter at det hadde blitt tipsa om grisekøyring kor meldar hadde tatt opp video. Då politiet såg gjennom vidoeen saman med partane, la grisekøyraren seg flat.
— Våre folk såg ikkje grunnlag for anmeldelse, men han fikk tilsnakk, fortel lensmann Ingvar Gjærde.
Ifølgje lensmannen kan ein på bakgrunn av slike bevis kome med vanlige straffreaksjonar, og det finnast fleire eksempel, også lokalt, på at folk er ilagd bøter på grunnlag av videoar tatt opp av andre bilistar.