Vatsbuen Håvard Nordtveit er i Per-Mathias Høgmo sin 24 manns store tropp som snart skal ut i to fotball-landskampar.

Den 26 år gamle fotballproffen frå Vindafjord har vore gjennom sesongopning i Premier League med to kampar for sitt nye lag, West Ham. Etter tap og tøff debut i første kamp mot Chelsea, gjekk det betre både for Nordtveit og London-laget i helga. West Ham sikra seg tre poeng i heimemøtet med Bournemouth (1-0).

Snart er det spel for dei norske fargar som tel, først privatkamp mot Kviterussland 31. august og deretter VM-kvalifiseringskampen mot Tyskland 4. september.

— Kampen mot Hviterussland er ei nyttig oppkøyring før Tyskland-kampen. Ein del av spelerane i troppen var ikkje med i kampane vår og dei får nå muligheit til å spela ein kamp før me møter Tyskland, sa Høgmo då han måndag presenterte troppen, ifylgje fotballforbundet (NFF) si nettside.

Nordtveit er ein av desse, noko som kan bety muligheit for å sikra seg plass i start-elleveraren til den viktige VM-kvalifiseringa mot puljefavoritt og tittelforsvarar Tyskland, truleg på ein fullsett Ullevaal. Først ventar eit svært vanskeleg borteoppgjer mot Manchester City komande sundag.

To andre haugalendingar er også i troppen, Martin Samuelsen, Haugesund og Alexander Søderlund, Tysvær.

Troppen:

Sten Grytebust (Odense)

Rune Jarstein (Hertha Berlin)

Ørjan Håskjold Nyland (Ingolstadt)

Haitam Aleesami (Palermo)

Jo Inge Berget (Malmö)

Valon Berisha (Salzburg)

Veton Berisha (Greuther Fürth)

Adama Diomande (Hull)

Vegard Forren (Molde)

Pål André Helland (Rosenborg)

Markus Henriksen (AZ)

Even Hovland (Nürnberg)

Stefan Johansen (Celtic)

Joshua King (Bournemouth)

Martin Linnes (Galatasaray)

Håvard Nordtveit (West Ham)

Martin Samuelsen (West Ham)

Ole Kristian Selnæs (St. Etienne)

Per Ciljan Skjelbred (Hertha Berlin)

Jørgen Skjelvik (Rosenborg)

Stefan Strandberg (Krasnodar)

Jonas Svensson (Rosenborg)

Alexander Søderlund (St. Etienne)

Alexander Tettey (Norwich)