Utbygginga er på til saman 12.000 kvadratmeter, og tel blant anna verdas mest effektive maskin for kjøttdeigproduksjon.
Investeringa til 200 millionar kroner vart innvia fredag, og landbruksminister Jon Georg Dale var til stades. Han markerte opninga ved å trykke på knappen som sette i gang produksjonen på kjøttdeiglinja.
— Fatland Ølen viser at dei er blant dei fremste ved å ta i bruk ny teknologi med denne satsinga, konstaterte han.
Statsråden meiner satsinga, saman med politikken han fører som minister, vil bidra til at fleire vil velje å bli bønder i framtida.
I høgsesongen jobbar 370 personar ved anlegget. Etter effektiviseringa seier dagleg leiar Svein Fatland at målet er å doble produksjonen, og at dei er nøydd til å auke volumet om like mange skal ha jobb ved anlegget i framtida som i dag.
— Me meiner me skal klare å få til det, seier Fatland.
LES MEIR I PAPIRAVISA MÅNDAG.