Friluftsrådet Vest håpar innan kort tid heilt å avvikle betalingsautomaten på turen opp til Opheim. Nå satsar dei fullt på betaling med sms for dei mange som drar på tur til Olalia eller andre stader i fjellet opp frå Ølen.
Ved hjelp av mobiltelefonen blir det nå høve til å betale for seg når ein kjem opp på parkeringsplassen på Opheim. Odd-Bjørn Saltnes i Friluftsrådet seier at ordninga må få gå seg til, men i utfartshelgene vil det stå vakter å dele ut lappar med anvising korleis ein skal gå fram. Elles blir det også gitt god rettleiing på tavla som er sett opp på parkeringsplassen.
Ideen om å krevje inn avgifta på denne måten fekk dei ved at dei visste at det til dømes går an å kjøpe fiskekort på slik måte.
Om nokon trur at det vil bli lettare å parkere utan å betale for seg, stemmer ikkje det. Det vil bli tatt stikkprøver, ved sida av at det vil bli vaktordning på parkeringsplassen på Opheim framover.
Betal med tastetrykk
Friluftsrådet Vest håpar innan kort tid heilt å avvikle betalingsautomaten på turen opp til Opheim. […]