— Traileren var på veg frå Sandeid til Fatland slakteri i Ølen, opplyser lensmann Ingvar Gjerde ved Ølen lensmannskontor.
Ulykka skjedde rundt klokka 07.30, og livet stod ikkje til å redde. Hjelpemannskap var raskt på plass, og politiet bekrefta at sjåføren var død klokka 09.15. Førebels er dødsårsaka ukjend, den omkomne vil bli frakta til Haugesund for obduksjon på Gades institutt. Sjåføren var tilsett i Hustvedt og Skeie Transport AS.
— Statens vegvesen er no på staden og tek seg av det tekniske og dirigerer trafikken, seier Ingvar Gjerde.
Han fortel at bilen blir frakta til Statens Vegvesen i Haugesund der den skal blir gjennomgått.
Trafikken i Ølen vert omdirigert medan ryddearbeidet går føre seg. Bilistane må køyre om sentrum.