Oj, for eit vêr!

Sol og rundt 28 grader viste igjen på badeplassane i dag. I Honsvika i Etne var familien Åsheim blant dei mange som kjølte seg ned ved fjordkanten.
— Eg har fanga ein krabbe, og mange reker, forklarer Vebjørn Åsheim (5) og duppar krabben i bøtta med sjøvatn.
— Ja, det er varmt i sjøen. Fint å bade, meiner storesøster Synne (8) som er på land etter ein dukkert.
Mor Bente Åsheim håper at det fine vêret vil vare, og der har ho godt nytt i langtidsvarselet.
I følgje yr.no blir det bris, sol og framleis varmt ut heile komande veke. Men ei og anna skye kan stryke forbi, og kanskje ei ettermiddagsbye.