Etne kommunestyre sender rådmannen sitt forslag om felles ungdomsskule med Odda for Fjæra skulekrins tilbake til komité drift. Det var eit fellesforslag frå Frp, Ap og H om å sende saka tilbake til komité drift, med beskjed om å få utgreidd konsekvensane av å sende alle ungdomsskuleelevane frå Fjære krins til Odda, som fikk fleirtal i kommunestyret tysdag kveld. Forslaget kom etter ein lengre debatt og påfølgjande gruppeleiarmøte, kor det vart diskutert om kor lurt det var å gjere ei løysing om felles ungdomsskule i Odda for elever frå Fjæra skulekrins i Etne og Skare krins i Odda. I dag går barneskule-elvane som ønskjer det på skule i Skare, som ligg nærare heimbygda enn Enge skule i Etne som vil vere alternativet. No blir altså saka send tilbake til komitè drift, dermed vert det det påtroppande kommunestyret som får ta endeleg stilling til saka, truleg seinare i haust.