Leiar i Etne Cup, Bjørnar Aastvedt kan opplysa at det var Roar Gundegjerne som mottok den ærefulle minneprisen etter Sigbjørn Rafdal. Minneprisen som blei etablert etter at Sigbjørn Rafdal så tragisk mista livet i sykkelrittet Bergen – Voss for ti år sidan, er for tru teneste for barn og unge i kommunen i dag. Sigbjørn Rafdal var leiar for etnecupen i mange år, før han døydde – berre to veker før cupen starta i 2013. Den gong var det Roar Gundegjerde som steppa inn i leiarrolla, eit verv han hadde heilt til i fjor.
— Roar har vore involvert i cupen i 26 år og har vore leiar i ni. Han har brukt mykje tid på dette, og vore ei eldsjel. Han blei tydeleg rørt då han mottok prisen frå ordførar Mette Heidi Bergsvåg Ekrheim. Roar var ein av dei som kjende Sigbjørn veldig godt, sa Aastvedt til Grannar søndag ettermiddag.
Sigbjørn Rafdals minnepris har blitt delt ut kvart år – utanom koronaåra – sidan 2014.
Desse har mottatt prisen tidlegare
2014: Atle Aas og Marta Onstein
2015: Hans Joachim Becker
2016: Monica Grindheim
2017: Geir Havreberg
2018: Turid Fosse Becker
2019: Anne Jorunn Lindevik
2020: Korona
2021: Korona
2022: Jorunn Grindheim
2023: Roar Gundegjerde