Walter Trout har vore eit kjent namn i musikkverda i mange tiår. Han starta si musikalske reise som ung gut, den gong som trompetist i korps. Men på 60-talet bytte han instrument til gitar og blei ein del av det musikalske miljøet i Los Angeles.
Trout er også ein habil låtskrivar og tekstane på hans eige materiale omfattar tre hovudkategoriar. Arketypisk blues, kjærleikserklæringar og sosialt indignerte tekstar. Songane hans om livet som turnerande musikar har alle eit preg av å vera baserte på personlege opplevingar.
Ønske om å leva
Gjennom heile 60- 70- og 80-talet var rus og alkohol ein del av livet til Trout og levera hans fekk hard medfart. Han fekk leverkreft og melding om at transplantasjon var hans einaste håp. Opp igjennom åra har han mange musikkplater på samvitet, men plata The blues came calling som om ut i 2014 har preg av den alvorlege og livstrugande leverkreften han strevde med. Han lei under innspelingane og fleire kritikarar framhevar dette albumet som ei milepæl. I 12.time fekk Trout tildelt ny lever og operasjonen gjekk som planlagt ved sjukehuset i Omaha. Med ny lever kom også ny plate og på Battle scars gir han bånn gass og får kritikarane verda over til å applaudera.
— Sist han var i Skånevik var i 2004, så me gler oss veldig seier Alf Warloe Christophersen.