Veteranen Maryna Novik (37) sprang sitt livs raskaste maratonløp og sikra sølv under senior-NM. I konkurransen som gjekk under vanskelege forhold med ti sekundmeter vind, i Stavanger laurdag, blei den lettbeinte vindafjordingen klokka inn til 2,53,02, melder langrenn.com. Novik var snautt to minuttar bak vinnaren i kvinneklassen, Marthe Katrine Myhre, Lillehammer IF, som er ein merittert toppløpar. Ho fekk tida 2.51.06. Anne Aarrestad, Stavanger Friidrettsklubb, tok bronsen, men nesten 15 minuttar bak Novik. Laurdagens bragd er den beste NM-plasseringa nokon gong for IF Klypetussen, som blei stifta i 1982.
