Kva får deg til å le?
– Eg ler av Memes, som til dømes kan vera morosame tekstar eller morosame bilde.
Elias Eitrheim-Jonas
– Alt mogleg! Eg ler lett. Eg er også veldig kjitlen, og om nokon kjitlar meg ler eg mykje. Vitsar er også noko som får meg til å le.
Alexander Berntsen
– Eg ler ofte av rare ansikt som gjer grimasar. Eg er ein glad person, så det er ikkje så vanskeleg å få meg til å le.
Alice Gjøri Ers Hellås
– Når jentene i klassen tullar, då ler eg. Så ler eg når eg ser på tv. Ofte er det sprøe personar som gjer rare sprell, og då ler eg.
Hiyab Dereje Gebremichael
– Me har det veldig løye i klassen, og klassen får meg ofte til å le. Eg ler også av gode vitsar, men det er ikkje alle vitsar som er gode.
Johanna Lunde
– Me har ein morosam klasse som får meg til å le, og så ler eg gjerne av folk som prøver å vera løgne.
Tuva Steinsland
– Noko eg synest er veldig morosamt er Funny Fails på tv. Då ler eg godt når eg ser på det. Eg ler også mykje saman med vennene mine. Me har det kjekt i lag.
Elise Andreassen Berge