Mange opplever å ikkje få dagens Grannar i postkassen til normal tid.
— Me blir nedringt og kontakta av skuffa abonnentar som har gledd seg til å lesa dagens avis, og kan ikkje anna enn beklaga at distribusjonen ikkje har gått som planlagt i dag. Dette er ein fortvila situasjon, seier redaktør Arne Frøkedal.
Det er Amedia Distribusjon AS som distribuerer Grannar og fleire andre aviser i distriktet. Også onsdag var det svikt i distribusjonen. Grannar har så langt ikkje fått svar på kva som har svikta og når abonnentane kan rekna med å få avisa i postkassen. Også fleire butikkar som sel lokalavisa, er ramma av svikten i omberinga.
— Me vil difor be abonnentane våre inntil vidare lesa Grannar som e-avis, samstundes som alle utan avis må melda frå på denne linken, seier redaktøren.