Klokka 18.19 laurdag kveld fekk politiet melding om at ein person er skadd etter ei valshending i Ølen.
— Personen blir tatt i vare av ambulansepersonell, opplyser operasjonsleiar ved Sør-Vest politidistrikt John Laurits Ask.
Det er førebels uklart kva som har skjedd på staden, men politiet har kontroll på mogleg gjerningsperson.
Abulansepersonell skal ha kom eraskt til staden.
FOTO: RENATE SÆVAREID
Like før klokka 19.30 observerte Grannar sin journalist på staden tre politibilar og ein ambulanse på staden.
— Politiet held no på med søk med hund utanfor den aktuelle bygningen, og det er også politi inne i bygningen, opplyser journalist Renate Sævareid frå staden klokka 19.36.
Klokka 20.00 melder politiet at den skadde har stikkskadar i overkroppen.
— Personen er frakta med luftambulanse til Haukeland universitetssjukehus, opplyser operasjonsleiar John Laurits Ask.
Like før klokka 19.30 var det tre politipatruljar og ein ambulanse ved adressen i Ølen.
FOTO: RENATE SÆVAREID
Den skadde blei først frakta i ambulanse til Knapphus, kor han blei henta av luftambulanse for vidare transport til Haukeland universitetssjukehus.
— Gjennomfører avhøyr
Klokka 20.12 var politiet framleis på staden.
— Patruljene gjennomfører avhøyr av folk som kan ha vore i området kor hendinga skjedde, opplyser Ask.
Antatt åstad er sperra av.
— Etter kvart vil det bli gjennomført åstadsundersøking, skriv Ask i ei melding i politloggen.
To menn involvert
Innsatsleiar Ole Berner Iversen i Sør-Vest politidistrikt opplyste til Grannar like før klokka 20.30 at det er to menn som er involvert i hendinga, og at det er snakk om knivstikking.
Hendinga skal ha skjedd innandørs.
— Den skadde har skadar i bryst- og halsregionen, opplyser han til Grannar.
Skadetilstanden til den knivstukne ønskja politiet ikkje å opplyse noko om ved 20.30-tida.
Åstaden er i Ølen sentrum, og er ei bygning som vanlegvis huser både utanlandske arbeidarar og flyktningar.