Ein ungdom (16) blei lettare skadd og frakta til sjukehus etter ei trafikkulykke på Skånevikstranda like før kl. 21.00 onsdag kveld. Politiet opplyser til Grannar at det var ein front mot front-kollisjon og at mopedføraren blei kasta mot frontruta på personbilen som var på veg mot Skånevik.
Luftambulanse blei tilkalla og frakta mopedføraren til sjukehus i Haugesund. Der viste det seg at skadane var mindre enn frykta. Den andre sjåføren kom uskadd frå det.
— Me har tatt inn mopeden for å sjekka om den er trimma, og vil vurdera å følgja opp saka med tiltak i samarbeid med Statens Vegvesen, seier lensmann Ingvar Gjærde.
Ulykka skjedde i Tendalsvingen, ca. tre kilometer vest for Skånevik.